جرايد العالم حكيت عننا بصفحاتا الأولى. قالت اللي صار عنّا مش صاير بالعالم. قالت زعمائنا مش فاسدين بل "مجرمين". الشعوب شفقت علينا، على بيوتنا اللي اتكسرت، على شبابنا اللي صارو تحت الردم، على جيلنا اللي انتهى مستقبلو قبل ما يبلّش. "بيروت الفساد"، هيك كانت معظم العناوين. شعوب العالم زعلانة علينا، ونحنا بعدنا منستثني ومندافع. شو بعد فيه واحد يحكي قدّام ناس هلقد مغسول دماغا؟ الناس جتت، وانتو خايفين يندأر مقامكن؟ ما عندكن بيوت تدمّرت؟ ما عندكن اهل واخوة ضايعين تحت الردم؟ ما عندكن كرامة؟ ولكن شو هالوقاحة اللي عندكن ياها هيدي تدافعو بعد عن حيلّا مجرم حدا يفسّرلي؟!